火热达达滚！上海人过年，这道菜最经典

　　一到过年，即使是物资匮乏的年代也还是要过春节，有浓浓的过节气氛，因为这个是中国的传统。上世纪70年代，上海人的年夜饭最后一般是一砂锅黄芽菜蛋饺肉圆线粉汤。（讲述人：丁婷婷）

　　上世纪70年代，搿个辰光上海人的年夜饭浪最后一般是少不脱一砂锅火热达达滚的黄芽菜蛋饺肉圆线粉汤。因为蛋饺金黄颜色，弯弯的月牙形，像只元宝，招财进宝的好口彩，想发财无论啥年代侪是普通老百姓共同的愿望。肉圆圆嘟嘟象征团圆，热的汤吃了全身热同同，米道勿要太好哦～

　　搿锅子黄芽菜蛋饺肉圆线粉汤更加考究个会放几片冬笋，放几只开洋，吊吊鲜头。但是埃个辰光市面上冬笋、开洋（干虾米）难觅踪影。连线粉（粉条、粉丝）才要到过年的辰光配给供应，一般是凭小菜卡一户一斤。

　　做蛋饺用的还不是新鲜鸡蛋，是用冰蛋（一种打好的蛋糊），也是配给一户一包。由于年货供应集中辣几个礼拜里厢，所以买线粉要去食品店排队，买冰蛋要去小菜场排队。

　　其它的户头（配料），搿个辰光还要看㑚屋里厢的路道了。有的人家小宁辣垃小三线厂里工作或者插队落户个，就是现在安徽、江西、贵州这只角，过年伊拉会带回来一点农副产品，像冬笋咾啥。

　　屋里厢没孩子辣海小三线、插队落户的，邻居、同事就会托伊拉带一点，所以迭个辰光有句闲话，从这点地方回来的人会讲，“我辣海‘跑单帮’”（现在闲话意思：一个人做黄牛、掮客、物流运输）。开洋没有，我记得是在石油公司做生活的姆妈托到上海来出差的福建、宁波这种地方人买一点。

　　当所有物事配齐了，主角蛋饺要上手了。拿只盛饭的勺子，剪一块猪油，调好肉糜馅心，坐辣小板凳浪，靠着煤炉，有心有相额一只一只做起蛋饺。

　　先辣盛饭的勺子里用猪油揩一记，舀一调羹鸡蛋糊倒入里厢，接着转动勺子，拿伊摊成一张蛋皮（迭个有功夫的，不好太慢，一慢，蛋皮老了缩起来了，就不来赛了），蛋皮上放一眼眼肉糜馅心，再拿蛋皮两面撘起来，做成一只蛋饺，埃要用勺子在手里颠一记（手上的软硬劲噢），让蛋饺囫囵生翻个身，在煤炉火上停一些，一只两面黄的蛋饺就做好了。

　　做蛋饺一般要做一个下半天唻，侪是阿拉女小人的事体，想勿到阿拉先生讲，伊小辰光也做过蛋饺额。