爱申活 暖心春 | 今朝小年

　　今朝是小年，马上要过年；屋里掸个尘，对门贴春联。

　　今朝是小年，勿是小年夜。小年夜也勿是节日，不过伊是固定日脚，是指大年夜前头一天；小年勿固定，有种地方是腊月廿三，有种地方是腊月廿四；有地方捺元宵年当小年，也有地方是正月十六是小年。勿管哪能，小年也蛮要紧。

　　勒小年迭个日脚，要几桩事体要做呃：贴春联。当然，有心急朋友老里八早已经捺春联贴好了。比方讲阿拉对面一家人家，去年贴春联呃浆糊还呒末揩清爽，今年新春联又贴上去了，老样子，其中有一只角呒末贴牢，风吹过，荡法荡法。

　　小年还有一桩事体要做，离春节还有一个礼拜左右，屋里要大扫除了，叫扫尘，也叫掸尘。弄弄清爽，迎新年了。

　　沪语注释：

　　老里八早：很早。

　　荡法荡法：晃晃悠悠。（沈一珠）