金银花,学名忍冬。之所以叫伊迭个名字,是因为伊可以熬过寒冬腊月,仍旧枝叶葱茏。
金银花开辣初夏,不过,伊花期蛮长,刚开辰光,花是白颜色嗰,两三天之后,花就变成黄颜色了。新搭仔旧,黄搭仔白,像煞是金银相配,邪气好看,所以,又叫伊金银花了。
“忍冬清馥蔷薇酽,薰满千村万落香”,讲嗰就是金银花盛开季节个场面,金银花好养,枪篱笆旁边,小水沟附近,一丛丛绿叶枝条,一蓬蓬金花银花开;跟迭个辰光同样开足开满个蔷薇花一道,香气满世界飘。
其实,金银花向来也是一味中药,从前辰光,几乎所有个小朋友侪用过嗰。老底子呒没空调,大热天到了,交关小朋友难免要生痱子、热疖头,再或者是伤风感冒喉咙痛了,小朋友人小,也勿大好随便吃药,一瓶金银花露就是好物事了,清热解毒,名字也好听,三哄两哄,也容易叫小朋友张口,总归是花花草草,勿像青霉素搭仔先锋霉素,听上去总归有点吓人倒怪。
当然,搿歇大热天辰光,自家有空,泡一壶金银花茶,既清热解毒又经济实惠,好过买一盒东北大板,吃好仔寒气结辣胃里。
下半天辰光,摘一把金银花,汏汏清爽;茶壶里水烧开,金银花摆下去,烧1分钟,焖10分钟,花捞出来,汤水滗滗清爽,冷一冷,就可以吃了。淡淡交茶水带一点点清苦,再配一小块沙琪玛,甜悠悠,糯笃笃,老适意。(沈一珠 图文)
新民报系成员|客户端|官方微博|微信矩阵|新民网|广告刊例|战略合作伙伴
北大方正|上海音乐厅|中卫普信|东方讲坛|今日头条|钱报网|中国网信网|中国禁毒网|人民日报中央厨房
增值电信业务经营许可证(ICP):沪B2-20110022号|互联网新闻信息服务许可证:31120170003|信息网络传播视听节目许可证:0909381
广电节目制作经营许可证:(沪)字第536号|违法与不良信息举报电话15900430043|跟帖评论自律管理承诺书
|沪公网安备 31010602000044号|沪公网安备 31010602000590号|沪公网安备 31010602000579号
新民晚报官方网站 xinmin.cn ©2019 All rights reserved